MOONAMOOZHAM

നോവലില്‍ കഥ പറയുന്ന ഒരാള്‍ ഭിന്നമായ വഴികളിലൂടെ മനോസഞ്ചാരം നടത്തി നേര്‍കാഴ്ചകളും അവയുടെ പൊരുളുകളും ലോക്ഡൗണ്‍ കാലത്തെ തടവറയിലിരുന്ന് നോക്കിക്കാണുകയാണ്.
ഒരു കാലിഡോസ്‌കോപ്പിലൂടെ ഒരാള്‍ വ്യത്യസ്ത വര്‍ണ്ണ വിസ്മയങ്ങള്‍ കാണുന്നതുപോലെ ജീവിതത്തിന്റെ ബഹുരൂപമായ ദൃശ്യങ്ങള്‍ ചമല്‍ക്കാരമില്ലാതെ വരച്ചുകാട്ടുകയാണ് നോവലിസ്റ്റ്. ഇത്തിരി വലിയ ഈ ആഖ്യാനം മുന്നേറുമ്പോള്‍ ലോകത്തിലെ പൗരാണിക ഗ്രന്ഥങ്ങള്‍, വേദങ്ങള്‍ തുടങ്ങി പലതും കടന്നുവരുന്നുണ്ട്.
മനുഷ്യനന്മയെ വായിച്ചെടുക്കാനുള്ള ആകുലമായ ഒരു മനസ്സിന്റെ ആധിയില്‍ ലോക്ഡൗണ്‍ കാലത്തെ ഒരു പ്രവാസി ജീവിതത്തെ തന്നോടൊപ്പം ചേര്‍ത്തുപിടിക്കാനുള്ള സമരമായി ഇവിടെ കഥപറച്ചില്‍ സംഭവിക്കുന്നു